立即註冊 登錄
粵曲交流網 返回首頁

一心的微博 http://www.sueopera.com/bbs/?36

日誌

詩贈 方外人前輩之採蜜圖(寫於2013年7月23日)

熱度 7已有 1119 次閱讀2013-7-27 11:55



性本愛着淡素妝,
朝來最怕蝶蜂狂
晨曦即擾奴清夢,
俯首急急採瓊漿。

感動

喜歡
3

鮮花

握手
4

拍掌

剛表態過的朋友 (7 人)

發表評論 評論 (38 個評論)

回覆 楊超然 2013-7-27 20:11
一心學姐這輯圖片,張張精美,趣味盎然。 礙於只能選一表態,這裡再補鮮花          ,以謝  學姐分享美圖!(皇姐呀!可唔可以幫我做束大啲嘅送與  一心學姐。皇弟搞唔掂點貼圖呢!拜託! )
回覆 Annie 2013-7-27 23:10
這輯圖片很是漂亮.
回覆 方外人 2013-7-28 13:05
好詩. 這些為誰辛苦為誰忙的照片漂亮得很.
回覆 金燕子 2013-7-28 23:23
楊超然: 一心學姐這輯圖片,張張精美,趣味盎然。 礙於只能選一表態,這裡再補鮮花              ,以謝  學姐分享美圖!(皇 ...
阿皇兄呀,好啦,咁代皇兄送上一束靓靓花比一心曲友啦,

皇妹几大手笔,唔话得啦掛,
回覆 金燕子 2013-7-28 23:25
一心曲友好诗,
回覆 楊超然 2013-7-29 01:43
金燕子: 阿皇兄呀,好啦,咁代皇兄送上一束靓靓花比一心曲友啦,

...
好皇姐!嘩!呢束玫瑰真係靚到「抌」一聲!  
一心學姐收到一定好開心啫!
皇弟真係感激到唔知噏乜好咯!感激!感激!        
咁,皇弟可唔可以託  皇姐做多一束同樣咁靚嘅玫瑰花呢!呢束花係要嚟送俾...送..俾...
(碗紅豆沙:楊相公,你送俾「邊改」啫?吓!)
我..係送..送..俾我個好皇姐羅!.
(皇弟面紅耳熱,垂頭耷耳,左手搓實右手姆指揉揉不斷,條50吋腰不自覺咁左擰吓!右擰吓!)
(碗紅豆沙:啋!亞相公,乜你幾時變得咁乸!仲有,你咪揾我家小姐老襯得假!叫我家小姐做扎花送俾「自機」!)
(鞋!亞碗紅豆沙嫲嫲,我若然係識搞嘅,我日日搞十扎八扎送過皇姐都不在活下啦!唔係駛乜搞到自己面懵懵喎!仲有呀!皇姐吩咐落要我跳扭腰舞娛賓呀!哩家嘢亞皇妹big咸就掂過支啫,我喎!成50吋腰點擰呀?我好驚個 pat fing咗左, f ing 唔翻右;fing 咗前,又 fing 唔翻後,咁就死喇!所以家陣咪趁機會,練定先囉!)
(碗紅豆沙:鞋!楊相公!
【反線中板:】  
我含淚訴呀....皇brother!點解我三日.變嫲嫲?皆因亞絳...仙,我個sister吖嘛!佢約我去呀!跳 cha...茶亞.吖..呀!仲「啪」D fing頭..丸,點知全部係假!我地 fing 呀,fing 甩咗棚牙呀!吖啞亞呀!最慘就係呀,fing 得前嚟翻唔轉後,依家咪好....似,一啞壺茶呀!吖啞呀亞!
【滾花上句:】(工六尺工上 ) 我浣紗本係一美人,你話叫我如何..便嫁!
(皇弟帶淚關心追問介):咁亞絳仙又點呢?
【碗紅豆沙: 數白欖】:
講起絳仙亞 sister!
比起我上嚟,
佢仲更加慘呀!
喫咗D fing 頭丸,
fing 到好似一盤散沙!
fing fing 吓!
fing 咗落地下,
執番上嚟又彈彈吓!
彈到我!
頭暈兼眼花。
唯有「的」佢上小巴,
車佢返鄉下。
揾翻裴禹個壞鬼書生,
安置佢,
住喺柳衙。
以後一切嘅事情,
我一概都唔知啦!
唔!知啦!

(此時,台下觀眾起勢扔D大樹波蘿呀,榴槤呀,紅毛丹呀,未剝外殼D新鮮粟子呀,總之,但凡有殺傷力嘅嘢,扔得就扔!場戲即時腰斬收場!)

一心學姐,世事無絕對,但凡壞事向好處諗,都唔錯得去邊!嗱!嗱!嗱!我哋個「好食懶飛會」又慳番筆食料錢,離發達目標,又踏近一步矣!        
回覆 一心 2013-7-29 03:11
楊超然: 一心學姐這輯圖片,張張精美,趣味盎然。 礙於只能選一表態,這裡再補鮮花                 ,以謝  學姐分享美圖!(皇 ...
感謝 楊兄欣賞這輯圖片。     
部份乃小妹日前遠足時無意拍得,部份又是同窗書友之傑作,小妹不敢獨領功勞!她鏡頭下捕捉到之東西都很優美,她與我分享之同時,我亦很樂意與一眾網友分享!
真的很高興知道大家都欣賞這輯圖片!     
回覆 一心 2013-7-29 03:12
Annie: 這輯圖片很是漂亮.
謝謝Annie曲友的欣賞和支持!     
回覆 一心 2013-7-29 03:14
方外人: 好詩. 這些為誰辛苦為誰忙的照片漂亮得很.
多謝 前輩的讚賞和掌聲鼓勵!     
回覆 一心 2013-7-29 03:23
金燕子: 阿皇兄呀,好啦,咁代皇兄送上一束靓靓花比一心曲友啦,

...
嘩!燕子公主出手果然有皇家風範喎!夠睇頭!
咁大紮花,一於分D過我嘅書友仔!再次多謝公主費心張羅,小人感激萬分!     
回覆 一心 2013-7-29 03:24
金燕子: 一心曲友好诗,
感謝燕子曲友支持鼓勵!     
回覆 一心 2013-7-29 03:44
楊超然: 好皇姐!嘩!呢束玫瑰真係靚到「抌」一聲!  
一心學姐收到一定好開心啫!
皇弟真係感激到唔知噏乜好咯!感激!感激!                       
咁,皇弟 ...
真係好鬼佩服 楊兄,                  腦筋靈活,千方百計,自編自導,仲不惜犧牲色相,放下晒身段,自演一個腳色,務求做到" 台下觀眾起勢扔D大樹波蘿呀,榴槤呀,紅毛丹呀,未剝外殼D新鮮粟子呀, " ... 唉! 楊兄簡直係用心良苦,原來搞成敢都係為咗"  我哋個「好食懶飛會」又慳番筆食料錢, "小妹知道後,真係又慚愧又感動!之前仲唔明白點解楊兄咁鬼掛住碗紅豆沙,以為佢好鍾意食紅豆沙添!原來別有用心嘅!
慚愧!慚愧呀!因為我乜都冇做,浄係坐喺度等發達!                 
回覆 方外人 2013-7-29 09:38
楊超然: 好皇姐!嘩!呢束玫瑰真係靚到「抌」一聲!  
一心學姐收到一定好開心啫!
皇弟真係感激到唔知噏乜好咯!感激!感激!           
咁,皇弟 ...
      
回覆 一心 2013-7-30 20:53
感謝 七公前輩表態支持!       
回覆 一心 2013-7-30 20:55
謝謝 鍾小萍曲友表態支持!     
回覆 楊超然 2013-7-31 04:14
一心: 感謝 楊兄欣賞這輯圖片。        
部份乃小妹日前遠足時無意拍得,部份又是同窗書友之傑作,小妹不敢獨領功勞!她鏡頭下捕捉到之東西都很優 ...
一心學姐之攝影技術,愈來愈精進!可喜可賀!
回覆 楊超然 2013-7-31 04:23
一心: 真係好鬼佩服 楊兄,                     腦筋靈活,千方百計,自編自導,仲不惜犧牲色相,放下晒身段,自演一個腳色,務求做到" 台下 ...
單憑  一心學姐此言:「因為我乜都冇做,淨係坐喺度等發達!」,學姐就可升呢做「好食懶飛會」之超級會員。
愚弟 level 未夠,只合做「腳震震」又或「扭扭腰」之超齡舞郎以娛賓!賓客每見之,自必未食先飽!如此一來,我「好食懶飛會」又大省一筆開支!
學姐呀!我哋離發達之門,又踏近多一步啦!     
回覆 楊超然 2013-7-31 04:36
方外人:              
謝謝  方外人前輩掌聲鼓勵!  
前輩莫見怪,晚唔知點解,捉埋亞絳仙出嚟,仲同埋亞浣紗做埋煮妹!呢排個腦啲自轉神經不受控,未知係咪多食咗啲地底油,開始壞腦!
鞋!我地Dheun 趕人真係柚排捱咯!
回覆 一心 2013-8-1 05:25
楊超然: 一心學姐之攝影技術,愈來愈精進!可喜可賀!
多謝 楊兄美言鼓勵!     
回覆 一心 2013-8-1 06:54
楊超然: 單憑  一心學姐此言:「因為我乜都冇做,淨係坐喺度等發達!」,學姐就可升呢做「好食懶飛會」之超級會員。
愚弟 level 未夠,只合做「腳震震」又或「扭 ...
楊兄呀楊兄!小妹終於明白點解咁多人鍾意流連於網上世界,原來真係比現實世界輕易得多架!
小妹由開通粤網微博到依家,不足三個月就做咗高級會員(講真又真係唔知自己做咗D乜,升得咁快!)
至於喺我哋個「好食懶飛會」就仲犀利,乜都冇做,淨係坐喺度等發達,就可升呢做超級會員!仲爽!            
唉!反觀現實生活,做到隻狗敢,都係緊夠糊口!            

facelist

您需要登錄後才可以評論 登錄 | 立即註冊

粵曲交流網 ( 版權所有,不得轉載 )

GMT+8, 2017-11-24 04:25

Powered by sueopera.com

© 2001-2017 Comsenz Inc.

回頂部