立即註冊 登錄
粵曲交流網 返回首頁

方外人的微博 http://www.sueopera.com/bbs/?24

日誌

祝雪網各位(A-Z)前輩,曲友,網友聖誕及新年快樂!

熱度 11已有 4101 次閱讀2013-12-24 03:15 |系統分類:詩詞文雜

祝雪網各位(A-Z)前輩,曲友,網友聖誕及新年快樂!

方會長敬賀


本會長甚是享受這個「好食懶飛會」會長的榮譽.年尾已到,就讓小弟介紹本會的一點來龍去脈.

曲友之初稿

楊兄:

自"白牡丹" 圖片一出,感謝各方熱烈反應!"好食懶飛"會(本來祇有我倆飛來飛去,未成氣候)頓時備受關注,皆因得 燕子公主青睞之故, 如今"好食懶飛"會"皇"氣十足, 須要好好建立會章,認真組織。

以下乃一初稿,願 楊兄仔細參詳修正。

會名:  好食懶飛會
成立宗旨: 講飲講食
會員資格: 不限年齡,不拘性別,唯體重不少於180磅(身高不限),好食,懶飛
組織特色:  沒有民主選舉(即使有,也是假的),委任制。

名譽理事: 七公前輩( 注:前輩江湖地位高,夠份量。然而未得 前輩首肯,重託交您 !) 
會長: 方外人前輩( 注:舉腳贊成 楊兄提議,會長一職不作他人想,如此深藏不露,那麼高境界,非他莫屬!)
副會長: 燕子公主( 注 : 公主有很多人供她使喚 ,手下人多,此職亦不作他人想!)
會員: 楊超然,一心( 注:要千方百計,各施各法,無所不用其極....繼續吸納新會員,務求壯大聲勢)
      
       如何之處,敬請
示覆!

                                                   一心  敬上

----------------------------------------------------------------------------------------------------------------------

楊兄創會菜式

 (帶極重湖南口音宣佈):【好食懶飛會】、【好食懶飛中央假民主委員會】成立了!

今天!我們特備創會菜式:
(1) (龍馬精神):金海馬炒「蝦人」
(2) (雙春兼潤月):爆餡超大水餃,每客兩只
(3) (煙籠寒水月籠紗):松枝煙燻醉雞pat pat (涼食)
(4) (滿城盡戴黃金甲):「超咸」疍黃、海膽、黃油蟹粉炒疍
(5) (露滴牡丹開):係時候清淡一吓,依足  一心學姐作料泡製。
(6) (凌波微步柳搖金):此乃精神食糧,由超人皇妹表演舞蹈,眾來賓歡迎齊齊扭腰,方便食物落隔。
(7) (永結同心諧鴛譜):發菜編成繡花鞋狀伴碟,加大量指天椒,與鮮鴨潤腸同蒸。務求食罷人人嘴仔都變孖潤腸,唇齒相依。(此菜乃應Annie學姐之意,特為會長  方外人前輩設計)
(8) (玉人何處教吹簫):繼黃蓉發明「二十四橋明月夜」後,現新出「玉人何處教吹簫」。竹蔗去皮,長半尺,蔗皮勿棄,備用。以龍蝦製成之花膠伴肥肉薄裹竹蔗,以竹蔗皮燻之。吃時需雙手捧起啖食,若吹簫之狀。
(9) (暗香浮動月黃昏):冰糖燕窩作湯,糯米滋內釀芒果雪糕(皮要薄,至半透明至佳),臨上桌前才下冷凍湯中。
上列菜式,志在催谷未逮180磅者,及早達標!  

----------------------------------------------------------------------------------------------------------------------

本會長之批閱

楊兄揀的好菜式.  

(1) (龍馬精神):
金海馬原是被拋入海的金蕉,金三少兩兄弟.但食得唔好唗.
(2) (傷風化潤月):爆餡超大水貨餃,幸好每客只有兩只.否則定是吃了怪物.
(3) (煙籠寒水月籠紗):煙霧迷離看不清,吃了pat pat 亦懵然.
(4) (滿城盡戴黃金甲):須然「超咸」,可惜是十四萬人齊解甲,更無一個是男兒。
(5) (露滴牡丹開):唯一可依法泡制的食譜.
(6) (凌波微步柳搖金):羅襪生塵想fing甩.
(7) (永結同心諧鴛譜):天靈靈,地靈靈,孖腸請去紫禁城.
(8) (玉人何處教吹簫):要動手吃,恐怕有礙觀瞻.
(9) (暗香浮動月黃昏):批准.

會長批閱,真肚痛.

-----------------------------------------------------------------------------------------------------

燕子曲友手下: 

金燕子d皇亲国戚,唔该出尼帮拖,

斑马母子周围撞
师爷金烟屎
咸蛋皇妹

孖润肠

---------------------------------------------------------------------------------------------------

相信各位看官對本會宗旨已大致明瞭. 歡迎入會.

P.S.小弟最近異常勤力書寫大字報,幸好本會乃【好食懶飛會】,非好食懶寫會,否則炒魷已.




感動

喜歡
4

鮮花

握手
7

拍掌

剛表態過的朋友 (11 人)

發表評論 評論 (148 個評論)

回覆 金燕子 2013-12-24 08:43
方会长,你好西利呀,

              
回覆 廖月馨 2013-12-24 08:53
笑死冇命陪!                        怎麼不見了識整燒鵝的龍兒 ,莫非跟隨主人齊齊行路上咗廣州?

祝 方會長 聖誕快樂,新年多添新菜譜!月馨致意
回覆 黃德輔 2013-12-24 11:07
眼看手勿動,動親會肚痛。祝  方會長  心想事成。  黃德輔賀
回覆 黃德輔 2013-12-24 14:08
致方會長:敬啟者,小人雖欲申請入會,奈何尚未夠抨,點搞,點搞,怎麼辦?  而家我唯有曰曰食油撈飯,睇睇趕唔趕得切,但求蒼天開眼,人地點睇,是否求求其其,是是但但,你地冇得食九大鬼,只有食豉油加白飯。係咁先,睇下點!   黃德輔敬上   
回覆 李仲雯 2013-12-24 18:25
看到那麼豐富的菜式,真的口水都流了,可惜小妹不夠斤兩,不能達標,唯有齋看吧,祝貴會會務蒸蒸日上,謹奉上仙花敬賀之!

李仲雯
回覆 方外人 2013-12-24 22:41
多謝各位到訪.昨晚微有酒意,發了篇疏狂日誌.
今天醒來再看,實在汗顏不已.       
多謝各位沒怪小弟,多謝.
祝佳節快樂!
方會長
回覆 方外人 2013-12-24 22:51
黃德輔: 致方會長:敬啟者,小人雖欲申請入會,奈何尚未夠抨,點搞,點搞,怎麼辦?  而家我唯有曰曰食油撈飯,睇睇趕唔趕得切,但求蒼天開眼,人地點睇,是否求求其其, ...
黃兄,既然是假民主,其中公報數字,相信也未必全屬真實.黄兄求求其其,是是但但將數字乘二.
本會捧著懶的宗旨,一於闊佬懶理.
回覆 楊超然 2013-12-25 01:15
係噃!方會長,月馨學姐說的對!噴火龍兒要隨時候命,準備幫網友電髮兼高溫焗油喎!冇咗佢唔得掂喎!     
回覆 楊超然 2013-12-25 01:33
黃德輔: 致方會長:敬啟者,小人雖欲申請入會,奈何尚未夠抨,點搞,點搞,怎麼辦?  而家我唯有曰曰食油撈飯,睇睇趕唔趕得切,但求蒼天開眼,人地點睇,是否求求其其, ...
黃兄呀!「好食懶飛會」話明假民主,總之,有心入會就掂架喇!
當然,本會係唔招呼有「厭食症」人仕。若然佢哋仍然想入會都得,要先參加預備班,培養好「好食懶飛」之品格,才合適加入。否則,一入會,見到食物便吐,鞋!誤人誤己矣!
嘩!黃兄若欣賞豬油撈飯,黃兄一入會,定必連跳三級,自動升呢超級會員矣!
黃兄呀!方會長等緊你入紙呀!
回覆 黃德輔 2013-12-25 16:23
誠貴人所言,連跳三級,早已成超級。現在鄙人自報家門,申請入會,懇請方會長批準為荷!                                                                             自問食得唔飛得。  識睇唔識寫。 眼高兼手低。 鍾意唱歌仔。                                自問唱得曳。  想入懶飛會。 因為我冇計。                                  請求方會長。  收理我小弟。 燕副會長佢。                                請佢番理位。  我學唱花蕊。念阿彌陀呼。
回覆 Annie 2013-12-25 18:58
小妹榜上有名...     
回覆 楊超然 2013-12-27 20:55
黃德輔: 誠貴人所言,連跳三級,早已成超級。現在鄙人自報家門,申請入會,懇請方會長批準為荷!                                                                      ...
黃兄呀:既是「好食懶飛會」,會中各人,自是懶到出汁。  方外人前輩貴為本會會長,自也對會中大小事務,闊佬懶理。
黃兄呀!唔駛等  會長批核架,黃兄已經係敝會既超級會員啦!
黃兄暫未可榮列副會長呀,理事呀呢D乜乜物物銜頭,乃為因  黃兄還有勤力練唱,買馬仔之習,未達百份百「懶」之境界啫。        
話說回頭,任性而為,隨綠隨喜,歡喜唱歌者,多練唱,歡喜買馬仔,頻頻下注,何期消遙,好似比純粹「懶」又高多個境界哩!
回覆 楊超然 2013-12-28 00:02
Annie: 小妹榜上有名...        
Annie學姐呀!妳已被踢入會好耐啦!冇話過妳知咩?     
回覆 方外人 2013-12-28 00:09
黃德輔: 誠貴人所言,連跳三級,早已成超級。現在鄙人自報家門,申請入會,懇請方會長批準為荷!                                                                      ...
歡迎 黃兄入會.
申請入會手續異常簡單,最緊要符合懶人宗旨.    黄兄求求其其在電腦螢幕打個手指模為証,入會便是.
回覆 黃德輔 2013-12-28 11:32
方外人: 歡迎 黃兄入會.
申請入會手續異常簡單,最緊要符合懶人宗旨.      黄兄求求其其在電腦螢幕打個手指模為証,入會便是.   ...
方外人會長,鄙人自從整番部電腦,己改用手指了,應是正式會員。小弟很懶,而並非出汁個隻,正如超然兄所講,我玩馬仔,但己20年冇入馬塲。我今年唱番歌,但是13年來去會堂睇  歌蘇未有多過10次。我瞓係屋企己聽晒所有曲友歌集約百份之九十。我只想維持現況,於願已足,咋天超然兄說我已高多個境界,嚇得我即發惡夢,標泠汗而醒,今早先懇請方會長切勿有委任乜東東比我做,小弟甘於做普通懶會員,等我三魂稍定,稍後再向楊兄報導夢情,本來唔應該向方會長咁多野講,打擾晒,麻煩晒,謝過,黃德輔
回覆 黃德輔 2013-12-28 13:45
楊超然: 黃兄呀:既是「好食懶飛會」,會中各人,自是懶到出汁。  方外人前輩貴為本會會長,自也對會中大小事務,闊佬懶理。
黃兄呀!唔駛等  會長批核架,黃兄已經係敝 ...
楊兄讚我,又高咗多個境界,即刻high 了一 high,唔知點解,突然想起小學雞時,老師話我會有四個境界 ,古。靈。精。怪。我做晒。尋晚凍凍,一早入睡洞,唔知點解,撞見睇大戲見到的知己 (南極仙翁) 佢話:細路,萛你有機,我提醒你,做人嘅野,知足常樂,好似我地位列仙班,你千期唔好再攀,如果唔係,只有升呢到極樂世界仙山!  下 !!!  原來咁解,急忙向仙翁多謝。唉,仲有歌仔唱,仲有馬仔玩,唔理楊兄見解咯。  阿 !  原來南柯一夢,醒咗。成身泠汗,立即向方會長明示。 唉  安樂咯。 楊兄請勿怪 !   
回覆 楊超然 2013-12-28 18:20
黃德輔: 楊兄讚我,又高咗多個境界,即刻high 了一 high,唔知點解,突然想起小學雞時,老師話我會有四個境界 ,古。靈。精。怪。我做晒。尋晚凍凍,一早入睡洞, ...
            
黃只呀!你真犀利呀!睇完你段回覆,笑到標眼水,要呌順條氣先至答  黃兄!
黃兄呀!古、靈、精、怪,兄台現升呢到邊層境界呢?
係呀!係呀!做神仙認真唔爽架。你睇下黃大仙就知喇。日日咁多人求佢做嘢,嘟唔知應得邊個!應遲咗,D人又話佢唔靈。應得快,咁日日堆積如山的「快佬」要日日清,慘過董伯伯 seven eleven好多。最弊係神仙,冇得話腳痛唔撈。鞋!係人嘅話都可以呻下:得閒死唔得閒病!不過,做咗神仙嘅話,就連呢句嘟冇得呻。因為,神仙又唔會死,又唔會病。咁先至最攞命!
黃兄講得啱呀!千祈咪升呢到做神仙呀!唔係,佛祖都救唔番咯!     
回覆 方外人 2013-12-29 03:21
黃德輔: 方外人會長,鄙人自從整番部電腦,己改用手指了,應是正式會員。小弟很懶,而並非出汁個隻,正如超然兄所講,我玩馬仔,但己20年冇入馬塲。我今年唱番歌,但是13 ...
請黄兄放心,拜托各位,千萬不要小弟整甚麼超級會員之類.小弟是出汁個隻.總之是是但但就得了.
回覆 方外人 2013-12-29 03:22
黃德輔: 楊兄讚我,又高咗多個境界,即刻high 了一 high,唔知點解,突然想起小學雞時,老師話我會有四個境界 ,古。靈。精。怪。我做晒。尋晚凍凍,一早入睡洞, ...
     
         
回覆 方外人 2013-12-29 03:34
楊超然:                                                     
黃只呀!你真犀利呀!睇完你段回覆,笑到標眼水,要呌順條氣先至答  黃兄!
係呀!係呀!做神仙認真唔爽架,你睇下黃大仙就知喇。日日咁多人求佢做嘢,嘟唔知應得邊個!應遲咗,D人又話佢唔靈。應得快,咁日日堆積如山的「快佬」要日日清,慘過董伯伯 seven eleven好多。最弊係神仙,冇得話腳痛唔撈。鞋!係人嘅話都可以呻下:得閒死唔得閒病!不過,做咗神仙嘅話,就連呢句嘟冇得呻...
           
曲水橫舟煙柳岸,
挑花盡處野無人。
仙家不在蓬萊住,
卻趁春風醉俗塵。
小弟猜想,楊兄之七絕莫非源出此因?
     

facelist

您需要登錄後才可以評論 登錄 | 立即註冊

粵曲交流網 ( 版權所有,不得轉載 )

GMT+8, 2017-11-24 04:24

Powered by sueopera.com

© 2001-2017 Comsenz Inc.

回頂部