立即註冊 登錄
粵曲交流網 返回首頁

楊超然的微博 http://www.sueopera.com/bbs/?226

日誌

和韻酬 一心學姐七絕【戲夢人生幻似煙】:累世因緣今世聚,相逢豈是太無端。臨行莫 . ...

熱度 10已有 14011 次閱讀2014-3-31 17:57 |個人分類:戲紅塵|系統分類:詩詞文雜

 

                                                                                                                                     攝於英國蘇格蘭

 

累世因緣今世聚,

相逢豈是太無端。

臨行莫道牽衣話,

既有知心別也圓。

                     

                         25-3-2014年寫於香江如愚齋

 

 

1

感動
2

喜歡
4

鮮花
1

握手
2

拍掌

剛表態過的朋友 (10 人)

發表評論 評論 (402 個評論)

回覆 金燕子 2014-3-31 19:49
臨行莫道牽衣話,既有知心別也圓。
皇兄呀,你咪嚇亲皇姐呀,皇姐几吔歲,唔系几襟嚇架咋    ,
嗱嗱,至多唱支歌仔比你听啦,好帽呀,   
回覆 廖月馨 2014-3-31 20:10
係呀!係呀!呆哋D年輕長者,弱小嘅心靈真系唔多受得起刺激!
楊兄, 祈待緣之會!
回覆 黃德輔 2014-3-31 22:00
金燕子: 臨行莫道牽衣話,既有知心別也圓。
皇兄呀,你咪嚇亲皇姐呀,皇姐几吔歲,唔系几襟嚇架咋     ,
嗱嗱,至多唱支歌仔比你听啦,好帽呀,     ...
緣來有嘢唱呀;梗梗係好;好好好啦。     
回覆 方外人 2014-4-1 04:38
迷離一片似輕煙,
底事之音別有天.
數載神交情誼在 ,
評章曲藝意心連.
回覆 一心 2014-4-1 04:51
特別 欣嘗此圖之拍攝技巧!         三隻鳥兒,三個不同角度,還有三枝長滿海苔的柱子,為圖片添上色彩的同時,也增加一份和諧感!
感激  楊兄酬詩,次韻四句,敬謝隆情,多多賜教!        

            逐水浮萍多散聚,
            一朝幸會豈無端。
            相交且盡生平話,
            尋常難得沒缺圓。
回覆 黃德輔 2014-4-1 18:34
超然兄呀,唔知點解,最近大家寫緣份,不過又寫玄份,香港有兩位鐵板神數大師,最著名當然是董慕節,其次據我所知是秦抱石大師(報人)(己逝) 。揚兄對術數的認識及見解為何?有以教我乎!  黃德輔     
回覆 楊超然 2014-4-1 19:43
金燕子: 臨行莫道牽衣話,既有知心別也圓。
皇兄呀,你咪嚇亲皇姐呀,皇姐几吔歲,唔系几襟嚇架咋     ,
嗱嗱,至多唱支歌仔比你听啦,好帽呀,     ...
       嗱!嗱!嗱!皇姐講架,唔準賴貓架!有  皇姐答應唱支歌,皇弟打死都唔走嘑!     
皇弟這叫一石三鳥!
一來,氹到  皇姐唱歌;
再者,又得  月馨學姐答應緣之會,想起有  德姐前輩,梅芬姐前輩,皇姐,月馨學姐,小萍學姐,黃兄,最好有埋  七公前輩,老蔣前輩,仲有!仲有!雪后連同一君、一心學兄學姐和各海外網友,當然唔少得我哋個好食懶飛舵主:方會長,仲有!仲有!A-Z各網友,共聚一堂,嘩!諗下都開心到咭一聲笑咗出來!
未完架!還有緣之五、六、七、八、九、十....。
三來,難得又引得  方會長又破了戒,好有心思咁酬唱一首絕好詩歌,見下文! 又得  一心學姐添食,追加七絕句一首相和!圖文皆美!
哎喲喲喲!      皇弟開心到自轉神經,不能自控矣!     
回覆 楊超然 2014-4-1 19:52
廖月馨: 係呀!係呀!呆哋D年輕長者,弱小嘅心靈真系唔多受得起刺激!
楊兄, 祈待緣之會!
月馨學姐呀!緣之四靠  學姐和黃兄嘑!     
感激學姐這麼有心!      學弟真打得少,好揀唔揀,揀十三日凌晨飛倫敦,錯失了向  學姐請安機會! 就讓學弟撼頭埋牆,唔好勸我囉!(咪俾我撼一次咁多!學姐妳話好嘛?)     
回覆 楊超然 2014-4-1 20:45
方外人: 迷離一片似輕煙,
底事之音別有天.
數載神交情誼在 ,
評章曲藝意心連.
方會長好詩!感激  前輩酬和,樂甚!     
試步韻答謝  前輩【迷離一片似輕煙】七絕句,祈不吝賜教為盼!

方外仙家鎮紫煙,
流霞滿酌九重天。
評章醉句言猶在,
妙語如珠串串連。
    
回覆 楊超然 2014-4-1 20:58
黃德輔: 緣來有嘢唱呀;梗梗係好;好好好啦。        
係呀!係呀!皇姐話:
有嘢唱!有嘢唱呀!
睇怕呢趟冇花冇假,
愚弟家陣好頻能,
皆因家陣夜嗎嗎!
唔知去邊度買束鮮花,
送去  皇姐個府衙。
唯有靠  黃兄,
孖  皇姐替愚弟講幾句好話,
話愚弟有心無力咋!
仲有!仲有!
第日補番數,
啦佢練骨、氹背脊、遞茶!
回覆 廖月馨 2014-4-1 21:09
楊超然: 月馨學姐呀!緣之四靠  學姐和黃兄嘑!           
感激學姐這麼有心!            學弟真打得少,好揀唔揀,揀十三日凌晨飛 ...
楊兄呀!緣之四,五,六,七,八,九,十......。嘅金牌統籌硬係唔少得我哋另一個(尖頭曼)阿輔哥啦!    

鞋!楊兄呀!小妹我 今次都唔打算勸你囉!之不過! 都係咁意撼十次, 八次,    好嘑!我最驚塊磚牆受唔住咁大刺激, 俾你撼穿點算呢?        

祝楊兄 旅途平安!     
回覆 楊超然 2014-4-1 22:19
黃德輔: 超然兄呀,唔知點解,最近大家寫緣份,不過又寫玄份,香港有兩位鐵板神數大師,最著名當然是董慕節,其次據我所知是秦抱石大師(報人)(己逝) 。揚兄對術數的認識 ...
黃兄呀!我對五術係真正小學雞嚟咋!只能講一下愚弟接髑鐵版神算的親身經歷。
初出來社會工作,曾經透過一位綽號「風水何」(他以前在東方日報有寫專欄,也用「風水何」作筆名)引薦,求教一位叫童康節的師傅給我批命。
據「風水何」說,那時香港有一位當發和另一位當衰的鐵版神算大師,甚得術算精髓。前者是黃兄所言之董慕節,後者是童康節。兩人均用「節」為字,是因為鐵版神算是宋代玄學家邵康節所創。
「風水何」還說,他求見童康節時,對方一看他八字,便跟他禮貌地說:「先生也是五術中人,何必來見我?」「風水何」頓時佩服得五體投地。
愚弟求見童師傅時,他給我說明,能不能給我批算,全在緣份。他解釋說,鐵版神算的精準,全因它不單要求問算的人的出生年月日和時,它更進一步講究出生時辰之中的三刻,屬那一刻。
故此,他一開始便用算盤打出三串號碼(其實是分別代表了出生時辰的三刻),再著愚弟翻查桌上放著的鐵版神算歌訣。倘若三個歌訣的內容(一般是與家細有關)均不脗合自身境況的話,那便算是無緣,也不能批下去了!(據他解釋,這是因為很多人都弄錯自己的時辰,故勉強批下去,亦不會準確。)
愚弟在他批至最後一串號碼,看到歌訣說:「兄弟三人」,愚弟立刻納悶起來:「唉!我家兄弟共有四人,看來是無緣了!」
愚弟有點不甘,問道:「那,領養的算不算在內?」(愚弟的老大,是領養的。)
「不算!親生的才算!」童師傳帶權威的話語,一掃愚弟先前的納悶。
「既然這個對了,往後的批算便精確啦!」童師傳便邊自打著他的算盤,邊略略解釋翻查出來的歌訣。
整個過程約一個多小時,箇中滋味,簡直是顛覆了愚弟對科學一向的信仰。怎會靈驗準確至此,竟然連我媽媽所屬的生肖也批算出來!(愚弟一向不知媽媽的生肖,事後向她求証才知曉。登時的感覺很震撼!)
愚弟聽罷批文,打開房門,只是客廳中密麻麻聚滿一群等著批命的客人。童師傅叫苦道:「你看我多命苦!掙來的金錢,用不到我身上,都要輸光在拉斯維加斯哩!我下月又要過去了!」
「「風水何」所言,怪不得.....!」我心裡自言自語道。
愚弟隨後請求童師傅給我做一個一生的逐年大批。單看那每年的歌訣批文,有摸不著頭腦之感。但過後回頭細細推敲,又每覺言之成理。總的來說,即管靈驗,趨吉避兇這回事,還得靠自己的!
回覆 楊超然 2014-4-1 22:37
一心: 特別 欣嘗此圖之拍攝技巧!            三隻鳥兒,三個不同角度,還有三枝長滿海苔的柱子,為圖片添上色彩的同時,也增加一份和諧感!
感激   ...
「沒缺圓」之人生,確是難之又難哩!一心學姐好詩!
感謝  學姐美言誇獎,雖是「哄」我之言,學弟仍很受用呢! 再謝  學姐酬詩相和,樂甚!     
回覆 楊超然 2014-4-1 22:39
感謝  小萍學姐表態支持鼓勵!     
回覆 楊超然 2014-4-1 22:43
廖月馨: 楊兄呀!緣之四,五,六,七,八,九,十......。嘅金牌統籌硬係唔少得我哋另一個(尖頭曼)阿輔哥啦!       

鞋!楊兄呀!小妹我 今次都唔打算勸你囉!之 ...
       
至弊撼穿度牆,又搞到人哋好似又一城咁,頓時變咗「水舞澗」!        
謝謝  月馨學姐祝福!     
回覆 楊超然 2014-4-2 00:04
廖月馨: 楊兄呀!緣之四,五,六,七,八,九,十......。嘅金牌統籌硬係唔少得我哋另一個(尖頭曼)阿輔哥啦!      

鞋!楊兄呀!小妹我 今次都唔打算勸你囉!之 ...
月馨學姐呀!當然!當然!開講都有話:

有輔哥,冇失拖!
唔可以無咗邊一個,更唔可以冇咗輔哥!
    
回覆 一心 2014-4-2 04:20
楊超然: 「沒缺圓」之人生,確是難之又難哩!一心學姐好詩!
感謝  學姐美言誇獎,雖是「哄」我之言,學弟仍很受用呢! 再謝  學姐酬詩相和,樂甚![em:2 ...
人生難得圓滿!年紀愈長,體味愈深,彷彿總要帶點遺憾,有點不足,才來得真實!
回覆 廖月馨 2014-4-2 10:02
楊超然: 月馨學姐呀!當然!當然!開講都有話:

有輔哥,冇失拖!
唔可以無咗邊一個,更唔可以冇咗輔哥!
          ...
      
回覆 廖月馨 2014-4-2 10:13
楊超然:             
至弊撼穿度牆,又搞到人哋好似又一城咁,頓時變咗「水舞澗」!           
謝謝  月馨學姐祝福!     ...
楊兄呀!到時揾埋班雪宮 海內外嘅曲/網友, 不分大小(即係話不論前輩,晚輩咁話。) 齊齊開場(水舞澗) 到時,都咪話唔係大件樹!     
回覆 黃德輔 2014-4-2 17:26
廖月馨: 楊兄呀!緣之四,五,六,七,八,九,十......。嘅金牌統籌硬係唔少得我哋另一個(尖頭曼)阿輔哥啦!      

鞋!楊兄呀!小妹我 今次都唔打算勸你囉!之 ...
(緣之會)當然是持續地見証著雪網發揚下去,端賴網內各位前輩及網友支持力量,各有所長,自然各司其職啦。講到金牌統籌,馨姐心細如塵,人面廣濶,組織力等強項曆曆在目,如果要人在傍打下鑼,加埋大聲吶喊個隻,當然非小弟莫屬。借用方會長佳句:數載神交情誼在,曲藝傳心大串連。         黃德輔

facelist

您需要登錄後才可以評論 登錄 | 立即註冊

粵曲交流網 ( 版權所有,不得轉載 )

GMT+8, 2017-11-24 04:15

Powered by sueopera.com

© 2001-2017 Comsenz Inc.

回頂部