立即註冊 登錄
粵曲交流網 返回首頁

楊超然的微博 http://www.sueopera.com/bbs/?226

日誌

【次韻和七公前輩《山居月夕》.七律。祝願 前輩福壽康寧! 】 ... ... ... ... ...

熱度 11已有 3548 次閱讀2013-9-25 20:27 |個人分類:戲紅塵|

 

 

【次韻和七公前輩《山居月夕》.七律。祝願   前輩福壽康寧! 】

 

亭臯幽處撥焦琴,千發連珠盡美音。 

皓月一輪烟樹掛,清歌萬籟白頭吟。

回文匠意成新調,坦性精誠寫素心。

但願年年今夜月,酬公詩酒傍泉林。 

                                    

                              癸巳年八月既望(20/9/13)寫於香江如愚齋 (攝於杭州)


感動

喜歡
2

鮮花
1

握手
8

拍掌

剛表態過的朋友 (11 人)

發表評論 評論 (102 個評論)

回覆 金燕子 2013-9-25 21:42
皇兄好诗呀,
洗唔洗练蛤蟆功,倒掛金钩架,     
回覆 楊超然 2013-9-26 01:25
金燕子: 皇兄好诗呀,
洗唔洗练蛤蟆功,倒掛金钩架,        
多謝皇姐嘉許!
皇弟家陣喺度苦練倒掛臘鴨,
可惜掛極都冇半滴墨水!
想話學七公前輩
隱於山居,
得閒吟吓詩、作吓對。
唉!可惜皇弟天生戇車車!
學極都學唔會,
真係衰衰都冇咁衷!
所以咪希望七公長命百歲,
等皇弟年年都倍住佢,
學番一招半式,
話唔定它日有機會中舉!
唔駛好似依家咁,
搞到母后暗自垂淚,
父王而得鍾我兩捶!
      
回覆 楊超然 2013-9-26 02:16
感謝  Annie學姐表態支持!     
回覆 一心 2013-9-26 10:53
楊兄好詩!     
讀 楊兄大作,令我想起曾夜遊秦淮河,欣賞過一名自彈自唱的年青女子表演,印象深刻,試以七律誌之,也同時趁趁熱鬧。楊兄莫嫌小妹淺陋,不吝賜教!

秦淮畫舫弄瑤琴,妙手蘭花調好音。
皎皎月環簾外掛,儂儂軟語耳邊吟。
高山流水如泣訴,白雪陽春動客心。
藝寄江湖非所願,何時出鞘遠園林。
回覆 楊超然 2013-9-26 14:55
一心: 楊兄好詩!        
讀 楊兄大作,令我想起曾夜遊秦淮河,欣賞過一名自彈自唱的年青女子表演,印象深刻,試以七律誌之,也同時趁趁熱鬧。楊 ...
謝謝  一心學姐和詩!
「皎皎月環簾外掛,儂儂軟語耳邊吟」,聽罷,愚弟頓有「故國神遊」之感,沉醉於明末之秦准風月,與歌妓調侃,快哉!
唉!怎奈「多情應笑我!早生華髮。人間如夢...」矣!
學姐好詩!有白居易《琵琶行》之餘韻!     
學姐聽的可是蘇州「評彈」?蓋評彈所唱,俱是儂儂軟語,騷入骨子裡!愚弟又神遊啦!
回覆 楊超然 2013-9-26 14:58
感謝  方外人前輩表態支持!     
回覆 楊超然 2013-9-26 14:59
謝謝  黃德輔兄表態支持!     
回覆 楊超然 2013-9-26 15:01
感謝  雪姐表態支持!     
回覆 金燕子 2013-9-26 21:13
楊超然: 多謝皇姐嘉許!
皇弟家陣喺度苦練倒掛臘鴨,
可惜掛極都冇半滴墨水!
想話學七公前輩
隱於山居,
得閒吟吓詩、作吓對。
...
      

皇兄呀,系咪龙儿烧燶咗学生王子果结他,变咗焦琴呀,   
回覆 金燕子 2013-9-26 21:59
一心: 楊兄好詩!        
讀 楊兄大作,令我想起曾夜遊秦淮河,欣賞過一名自彈自唱的年青女子表演,印象深刻,試以七律誌之,也同時趁趁熱鬧。楊 ...
一心曲友好诗呀,
皎皎月環簾外掛,儂儂軟語耳邊吟...
想起段誉神魂颠倒的王语嫣呀,
回覆 楊超然 2013-9-26 22:52
金燕子:          

皇兄呀,系咪龙儿烧燶咗学生王子果结他,变咗焦琴呀,    
皇姐呀!那隻百燕龍兒之噴火特技,十足十段譽隻一陽指咁!週不時失靈,靠唔住架!
本來皇弟專誠揾佢幫我免費電番個靚髮,點知佢掰口一噴,俾  皇姐噏中,火力過猛,燒濃埋個吉它!個頭就唔好提囉,去深圳買個假髮笠住先啦!
我算好彩啦,冇變燒豬!唔係就成隻「焦禽」咁囉!
試想想,「好食懶飛會」內,有隻肥「焦禽」抱住個「焦琴」唱「哭song」,妳話想唔執笠都好難!
要提一提  月卿學姐,升呢做高級會員,認真要諗一諗,好唔好要免費電髮呢樣獎品。唔係龍兒又一下錯手,搞到  月卿學姐變咗孔雀東南飛果個「焦仲卿」就敝囉!      (月卿學姐唔好介意呀!學弟純粹搞笑,大家開心吓咋!見恕!見恕!      )
回覆 廖月馨 2013-9-26 23:35
楊兄客氣!客氣!
小妹  童年偶像是逃學威龍, 更青出於藍添! 而家知死咯! 書到用時方恨少,  點敢孔夫子面前賣文章吖! 唯有靜雞雞偷吓師咁係啦!
唉!!升斑喎! 我恨到發晒燒啦! 記得以前個修女校長對我又愛又恨咁講: 廖月馨呀廖月馨! 乜你好鍾意逢二進一嘅咩?
獎品! 唔知又可唔可以改為獎金嘅呢?
月馨
回覆 金燕子 2013-9-27 00:15
楊超然: 皇姐呀!那隻百燕龍兒之噴火特技,十足十段譽隻一陽指咁!週不時失靈,靠唔住架!
本來皇弟專誠揾佢幫我免費電番個靚髮,點知佢掰口一噴,俾  皇姐噏中,火力過 ...
皇兄你搞错咗啦,
月馨曲友系温馨如意的馨,
重有好似冇见过林焕岳,见过有陈焕岳,皇兄唔好戇車車两头颚,快快补镬,
回覆 楊超然 2013-9-27 02:08
廖月馨: 楊兄客氣!客氣!
小妹  童年偶像是逃學威龍, 更青出於藍添! 而家知死咯! 書到用時方恨少,  點敢孔夫子面前賣文章吖! 唯有靜雞雞偷吓師咁係啦!
唉!!升斑 ...
月馨學姐粧次:
倘不是吾皇姐提醒愚弟,還懵然不知錯寫  學姐芳名!抱歉至甚!為表愧疚,愚弟「撼頭理牆」,自我懲罰!     
祈  學姐見恕!     
愚弟
超然敬上
回覆 楊超然 2013-9-27 02:14
陳焕岳學兄:真抱歉得緊!竟弄錯  學兄姓名!謹向  學兄致萬二分歉意!     
祈  學兄見恕!
學弟
超然敬上
回覆 楊超然 2013-9-27 02:44
金燕子: 皇兄你搞错咗啦,
月馨曲友系温馨如意的馨,
重有好似冇见过林焕岳,见过有陈焕岳,皇兄唔好戇車車两头颚,快快补镬,   ...
好皇姐!如果冇咗妳,
皇弟都唔知點死!
如果得番皇弟自己,
我實行衰到貼地!
好彩皇姐冇搭火箭飛機,
唔係皇弟就要當條街係屋企!
好多謝皇姐同我補飛!
皇弟以後聽晒妳話,
由皇姐揸大旗,
皇弟跟住妳尾!
妳出街,我做司機,
妳出騷,我幫妳賣飛!
妳要飛,我孖妳梳好條燕子尾!
妳肚餓,我同妳炒番幾味!
妳見悶,我孖妳唱K!
總之,一句到尾!
就晒妳!     
回覆 楊超然 2013-9-27 02:51
廖月馨: 楊兄客氣!客氣!
小妹  童年偶像是逃學威龍, 更青出於藍添! 而家知死咯! 書到用時方恨少,  點敢孔夫子面前賣文章吖! 唯有靜雞雞偷吓師咁係啦!
唉!!升斑 ...
唔知獎金會唔會係過年時果種朱古力金幣一個呢?
回覆 廖月馨 2013-9-27 08:20
楊兄言重 !也禮重!
「憾頭埋牆」咁大件事! 切勿多為!一次咁多好嘑!

金幣?我鍾意呀!   
回覆 廖月馨 2013-9-27 08:34
楊兄:
小妹  胡言亂語!亂噏無為!只是想學吓你皇姐 金燕子曲友, 攪攪氣氛,輕鬆!輕鬆而矣!墾請 楊兄幸勿見怪!   
月馨
回覆 金燕子 2013-9-28 00:24
廖月馨: 楊兄:
小妹  胡言亂語!亂噏無為!只是想學吓你皇姐 金燕子曲友, 攪攪氣氛,輕鬆!輕鬆而矣!墾請 楊兄幸勿見怪!    
月馨 ...
月馨曲友,唔洗惊播 ,
皇兄好好人架,斯文有礼,又讲得笑 ,
我成日乱噏一通,皇兄都冇话省我架,

facelist

您需要登錄後才可以評論 登錄 | 立即註冊

粵曲交流網 ( 版權所有,不得轉載 )

GMT+8, 2017-11-24 04:09

Powered by sueopera.com

© 2001-2017 Comsenz Inc.

回頂部